четврток, 23 март 2017  |  Вести денес: 0

Довербата и хороскопските знаци: Дали лесно верувате?

Довербата е предност и маана во исто време. Таа постои во пријателството, емотивните врски, семејството, во работата... За жал, тешко е да ја добиете, но многу лесно е да ја изгубите.

хороскоп

Поврзани вести

Со оглед на тоа, знаците во хороскопот се делат на оние кои лесно ја подаруваат својата доверба и оние кои се тврди како орев.

Во која група спаѓате вие?

Овен

За Овните, довербата е неопходна потреба во животот. Без разлика дали се работи за доверба помеѓу партнерите или пријателите, тие веруваат. Овните секогаш се трудат да ја одржат на високо ниво и да не ја изгубат заради некоја безначајна ситница.


Бик

Биковите потполно се согласуваат дека довербата е неопходна и во секој критичен момент потребна им е барем една личност на која може да и веруваат. Довербата на Бикот се стекнува малку потешко, но сепак е возможна.


Близнаци

Близнаците попрво се здобиваат со доверба, пред да ја дадат својата. Познати се како личности кои со своите вербални способности знаат да ја изнудат истата. За жал, знаат често да ги изиграат луѓето кои им се довериле.


Рак

Раковите важат за најдоверливи луѓе. Во семејството, во пријателството или во љубовта, никогаш нема да ја коцкаат довербата која им е дадена. Верни се и сакаат цврсто да се држат до луѓето на кои им веруваат.


Лав

За Лавовите довербата е работа која многу тешко се дава, но лесно се стекнува. Само големите среќници ја имаат можноста да изградат доверба кај Лавовите. Сепак, кога ќе допрат до скриеното срце на Лавот, подобро е да останат таму.


Девица

Девиците не само што се скептични, туку и тешко ја поднесуваат довербата. Кога Девиците решаваат да ја подарат својата доверба, значи дека личноста била ставена на безброј тестови, процени и анализи кои несвесно успешно ги поминала.

Вага

Вагите сакаат кога постои доверба во врската. Тие постојано ја истакнуваат важноста на довербата, иако многу веројатно е дека Вагите први ќе скршнат од овој пат. Сепак, тоа го прават тајно и тешко дека некогаш ќе откриете дали ја изневерила вашата доверба.


Скорпија

Скорпиите се вистински тврди ореви кога се работи за довербата. Ќе мора да се потрудите со натприродни моќи за да ја добиете нивната доверба и уште повеќе за да не ја загубите. Затоа, подобро е да не ги изигрувате Скорпиите.


Стрелец

Стрелците се оптимисти кои се свесни дека не се луѓе за доверба, па често не сакаат да ја подаруваат ниту својата. Многу почесто тие добиваат доверба, но ја сметаат за обврска и одговорност, па се трудат вешто да ја избегнуваат.


Јарец

Јарецот тешко ја споделува довербата, без разлика за кого се работи. За нивната наклонетост ќе треба да се потрудите многу повеќе, а кога ќе ја добиете, обидете се да ја сочувате. Јарците не се добро друштво за луѓе кои лесно се откажуваат, па затоа само најупорните може да очекуваат доверба од нив.


Водолија

Водолиите веруваат во пријателите и тие им се најсветлата точка во животот. Ако Водолијата ја изгуби довербата во пријателите, се чувствува како да изгубила дел од себе. Исто така посебно ја ценат довербата која ја добиваат.


Риби

Рибите за жал се најлесно доверливи, па најчесто се и разочарани. Сакаат да веруваат во добрината на луѓето, па не си даваат време за реална проценка. Затоа Риби, нареден пат внимавајте на кого се потпирате!

Најчитани вести