Претпладне денеска ќе биде умерено облачно со повремени сончеви периоди, a попладне нестабилно со врнежи од дожд, засилен ветер и пад на температурите. Попладне ќе дува засилен северен и северозападен ветер, а во западните предели ќе дува засилен североисточен ветер.
Ветерот ќе достигне брзина и до 30 километри на час. Утринската температура од 2 Целзијусови степени до 8 Целзијусови степени, а дневните температури ќе достигнат до 11 Целзијусови степени, односно до 20 Целзијусови степени.
Во Скопје во вторник претпладне ќе биде умерено облачно со сончеви периоди, попладне нестабилно со врнежи од дожд и засилен ветер. Ќе дува умерен северозападен ветер. Утринската температура од 5 Целзијусови степени, а дневната температура ќе достигне до 18 Целзијусови степени.
