Ноќеска во кавадаречко имаше интензивни врнежи од дожд. Според податоците добиени од метеоролошката станица лоцирана кај СОУ „Ќиро Спанџов Брко“ ноќеска за само 8 часа наврнале 41 литар на метар квадратен дожд.
Интензивниот дожд утринава го зголеми водостојот на реката Луда Мара, но нема никаква опасност од нејзиноизлевање.
Пороен дожд во Кавадарци врнеше и во попладневните часови со што водниот талог дополнително се зголеми. Агроекспертите велат дека овој дожд е добредојден за есенските посеви.
Според прогнозата на синоптичарите утре не се очекуваат врнежи од дожд. Ќе имаме сончево време со умерена облачност и умерен до засилен северен ветер, особено изразен долж Повардарието.
Од утре поради продор на студена воздушна маса во Македонија се очекува и пад на утринските и дневните температури. Максималнта дневна ќе достигне до 12 степени.