четврток, 24 ноември 2016  |  Вести денес: 70

Дрезден на нозе, Меркел пречекана со протести

Стотици демонстранти протестираа против германската канцеларка Ангела Меркел која по повод празникот „Ден на германското обединување“ денеска учествува на свечена церемонија богородичната црква во Дрезден.

110202270

Поврзани вести

Толпата составена од симпатизери на германската крајна десница извикувала „Меркел мора да си оди“ и „Предавник на народот“ пред и за време на црковната церемонија. Германските медиуми јавуваат дека меѓу демонстрантите е и екс лидерот на организацијата ПЕГИДА Луц Бахман, кој уплашен од прогонот од германските власти се пресели на канарските острови.

Во пресрет на прославата на „Денот на германското обединување“ а по трите опожарени возила за време во последната недела, во Дрезден денеска се распоредени стотици припадници на германските полициски единици со цел да се обезбеди целосна контрола на градот во кој минатата недела беше подметнат експлозив пред локална џамија.

Според германските медиуми во близина на зградата на операта во Дрезден се распоредени и снајперисти кои што го обезбедуваат настанот на кој попладнево треба да учествуваат и претседателот Јоаким Гаук и претседателот на устанвиот суд Андреас Воскуле.

Во Дрезден вчера дојде до протести кога демонстрантите со извици „Предавник“ и „Губи се“ вербално го нападнале градоначалникот Дирк Хилберт, кој во градското собрание одржал прием за граѓаните муслимани.

Најчитани вести