четврток, 25 мај 2017  |  Вести денес: 37

Душманите на Македонија да се спакуваат

StefanVlahovMitcov

Стефан Влахов – Мицов

Македонските државни институции се под контролата на САД и ЕУ. Немаме ниту внатрешна, ниту надворешна македонска политика. Странците одлучуваат дали и кога ќе има избори во Македонија, кој да биде победник и кој премиер. Странците одлучуваат кој да ги набљудава изборите и каква оценка да пишува за нив. Странците одлучуваат за составот на ДИК и за нејзините решенија. Македонскиот народ не е суверен дури ни на хартија, затоа што со Охридскиот договор е трансформиран во безлична „заедница“.

ДЕНЕС Е ФИНАЛНОТО ПРАШАЊЕ ДАЛИ ВООПШТО ЌЕ ИМАМЕ СВОЕ ИМЕ, ИДЕНТИТЕТ И ДРЖАВА. ДЕНЕС СТРАНСКИОТ И ДОМАШНИОТ ПРЕДАВНИЧКИ НОЖ Е ВЕЌЕ ВО НАШИТЕ КОСКИ.

Странски амбасадори, како терористот Бејли, и европски бирократи како Хан и Жбогар повторно, како во 1913 година слободно ја докрајчуват нашата татковина. Албанија, каде 50 отсто од БДП е од дрога и терористичката енклава Косово (американска воена база со повеќе од 10.000 разбојници) организират пучеви и терор во Македонија. Албанскиот волк Рама преку своите сателити во нашата држава Беса, ДУИ, ДПА и Алијанса на Албанците, спрема нова војна против нас. Сите тие дојденци во Македонија, сакаат да ни ја одземат и земјата, лебот и животот на македонскиот народ.

Во тоа драматично и кобно време мора сите македонски граѓани кои си ја сакат татковината, македонската држава, македонското име, македонската нација и јазик, да започнеме ВИСТИНСКА БОРБА. Доста е од вербални војни, доста е од празни ветувања и заклинанија „нема да дозволиме“. Тоа го слушаме 25 години со истовремено попуштање за сè и сешто во име на „демократијата“ и на „помирувањето“.

МОРА ДА ПОЧНЕМЕ БОРБА СО СИТЕ МОЖНИ СРЕДСТВА, БОРБА ДО КРАЈ, НА ЖИВОТ И СМРТ ПРОТИВ СТРАНСКИТЕ И ДОМАШНИТЕ ОКУПАТОРИ.

Нашата држава е Македонија, нацијата е македонска, нашиот јазик е македонски и на нашата сегашна територија од едвај 27.000 квадратни километри нема место за друга држава, друга нација и друг јазик. Памтете, нема помирување и нема договарање со тие кои сакаат да ни го одземат домот, да не направат туѓинци во нашата земја, да не откорнат од местото каде живееме близу три милениуми. Нема сила – ниту САД, ЕУ, Грција, Албанија, Косово или Бугарија која ќе не протера од родните огништа, ако сме решени да одиме до крај. Да се бориме против сите освојувачи и окупатори додека победиме. Или додека сме живи, додека дишеме, додека тече низ нашите жили македонската крв.

ВО БОРБА ЗА НАШАТА ЧЕСТ, ЗА НАШАТА ТАТКОВИНА, ЗА ИДНИНАТА НА НАШЕТО ПОТОМСТВО! СО ГОСПОД И СВЕТИ НИКОЛА НАПРЕД, ЗА МАКЕДОНСКА МАКЕДОНИЈА!

Најчитани вести