Два лава избегаа од зоолошката во Лајпциг

Вработените и припадници на полицијата денеска трагаат по два лава коишто ноќеска избегале од своите кафези во зоолошката градина во Лајпциг, а посетителите кои денеска изутрина влегле, биле евакуирани согласно протоколот за вонредна состојба.

Од управата на золошката градина за германската новинска агенција ДПА изјавиле дека двата лава Мајо и Мошегеци се стари по една година, а во Лајпциг дошле во август од золошката градина во Базел, пренесува дописникот на МИА од Берлин.

Според информациите од управата, двата лавови не можеле да излезат од затворениот простор на зоолошката градина во урбана средина. Зоолошката градина ќе биде отворена за посетители откако ќе бидат пронајдени двете животни од фамилијата мачки.

Доколку преземете содржина од оваа страница, во целост сте се согласиле со нејзините Услови за користење.