четврток, 23 март 2017  |  Вести денес: 38

Двајца бегалци од Блискиот исток уапсени во САД за тероризам

terorizam

Последни вести

Двајца мажи од Блискиот исток, кои во САД дошле пред повеќе од три години, се уапсени во Калифорнија и Тексас под обвиненија за меѓународен тероризам, информираа денеска американските власти, пренесува МИА.

Осомничените се уапсени во две одвоени акции во Сакраменто и Хјустон и не биле вклучени во ист план, но можно е да биле во контакт, пренесуваат британските медиуми, повикувајќи се на извор близок до истрагата.

Двајцата уапсени се Палестинци родени во Ирак.

Според документ од судот, Омер Фареџ Саик Ал Хардан, кој е уапсен во Хјустон, во САД влегол како бегалец во новември 2009 година.

Тој е обвинет дека и давал материјална помош на Исламска држава и давал лажни изјави за своите врски со оваа терористилка организација кога ги барал дозволата за престој и американското  државјансто.

Министерството за правда во Сакраменто соопшти дека вториот маж, дваест и тригодишниот Авс Мохамед Јунис Ал Џајаб во САД влегол во 2012 година како бегелец од Сирија. Тој е уапсен под обвинение дека давал лажни изјави за меѓународен тероризам.

Во кривичната пријава на ФБИ се наведува дека Ал Џајаб лажел за патувањето назад во Сирија и поддшката за терористичките групи на интернет.

Државниот обвинител во Сакраменто, Бенџамин Вагнер, во соопштение изјави дека засега нема индиции дека Ал Џајаб планирал напади во САД.

Заменик гувернерот на Тексас, Дан Патрик, член на Чајанка, конзервативното крило на Републиканската партија, наведе дека причина за апсењето на осомничениот бегалец во Хјустон е тоа што Тексас се обвидува да спречи сириските бегалци да се преселат во Тексас.

– Ова е токму тоа што постојано и го зборувавме на администрацијата на Обама, дека ова може да се случи и зошто не сакаме бегалците да доаѓаат во Тексас. Постојат сериозни прашања во поглед на тоа кои се навистина овие луѓе, како што покажуваат и денешните настани, рече Патрик во соопштението.

Републиканските лидери апелираа кај претседателот Барак Обама, кој е член на Демократската партија, да биде внимателен кога ќе одлучува дали на бегалците од Сирија да им дозволи да се преселуваат во САД.

Најчитани вести