Заради акцијата на трагање по осомничените за нападот врз францускиот сатиричен весник, што се одвива во местото Дамартен-он-Гоел, две писти за слетување на главниот париски аеродром „Шарл де Гол“ се затворени, а авионите се пренасочуваат, јавија француските медиуми, пренесе МИА.
Авионите добиваат рути што не одат над ова мало место.
Дамартен-он-Гоел се наоѓа на само 12 километри од парискиот аеродром, потсетуваат француските медиуми.
Портпаролот на аеродромот изјави дека пренасочувањето на авионите не влијае врз нормалното одвивање на авиосообраќајот.
Француските медиуми пренесуваат дека над Демартен-он-Гоел летаат најмалку три хеликоптери.
Браќата Куаши, како што пренесуваат медиумите, се кријат во една штампарија и држат еден заложник.
фото: wikipedia