среда, 26 јули 2017  |  Вести денес: 37

Две тениски игралишта се градат во Македонска Каменица

Градежните работи треба да завршат за 3 до 4 месеци...

tensiko-igraliste

Последни вести

Како дел од проектот на Агецијата за млади и спорт за изградба на 100 тениски игралишта во земјава започна изградбата на две тениски игралишта во Македонска Каменица.

Како што истакна градоначалникот на Македонска Каменица, Дарко Митевски, кој денеска изврши увид на стартот на градежните работи, овие тениски игралишта се дел од неговата програма и потреба на граѓаните кои подолго време бараа изградба на тениски игралишта.

– Овој проект е заеднички со Владата, односно финансиран од Агенцијата за млади и спорт. По целосната подготовка на планската документација и создадените услови од страна на Општината, Агенцијата изврши јавна набавка и еве денеска започнуваме со нивната изградба, рече Митевски.

Тој додаде дека градежните работи треба да завршат за 3 до 4 месеци.

– Општината ќе добие тениски терени на задоволство на граѓаните. Изведувач на работите е фирмата Конструктор и се надеваме дека свечено ќе ги пуштиме во текот на летниот период, рече Митевски.

Терените ќе бидат со инфраструктурни приклучоци, оградени со жичана мрежа и околу нив ќе има пристапна патека изработена од бекатон плочки. Покрај тоа ќе можат да се користат и во вечерните часови бидејќи ќе бидат осветлени со рефлектори. Терените ќе бидат со сертификат од интернационалната тениска федерација.

Македонска Каменица со поддршка на Агенцијата за млади и спорт изминативе години доби и повеќенаменско игралиште, како и спортска сала.

 

Најчитани вести