Македонија

Дводневен саем за чиста енергија во Скопје

Дводневен саем за чиста енергија во Скопје

„Саем за чиста енергија“ како дел од ЕУ неделата за одржлива енергија ќе се одржи денеска и утре во Скопје во организација на Здружението на граѓани „Гоу Грин“, а во партнерство со Фондацијата „Конрад Аденауер“ и Француската амбасада во Скопје.

Младите во Македонија на саемот ќе можат да се информираат за можностите за академски и професионален развој во областа на обновливите извори на енергија.

Целта на саемот е да се поврзат младите луѓе со компаниите кои работат на обновлива енергија и универзитети кои нудат студии од оваа област.

Како што информираат организаторите, саемот ќе претставува средба на побарувачката (студентите) и понудата (универзитети и компании) на пазарот на трудот за чиста енергија.