Во емисијата „Ноќно студио” на Борјан Јовановски, што се емитуваше вчера на телевизија Телма, претседателот на собранието Талат Џафери го обвини министерството за внатрешни работи за слабото обезбедување на домовите на пратениците на СДСМ.
-Тоа што автомобилот на пратеничката на СДСМ од Виница била запален, виновно е министерството за внатрешни работи, бидејќи не си ја вршело работата како што треба. Уставна обврска на институција е да го обезбеди домот на пратеникот. Не можете да ме убедите дека тоа е обезбедено. Не можете да ми кажете дека на пратеник му е изгорена колата и да кажете дека бил обезбедуван. Немојте Борјан, Ве молам- му рече Џафери на Јовановски.
На ова новинарот му одговори дека во тој случај Џафери би требало да се обрати до министерството за внатрешни работи.
-Ако обезбедувањето не било како што треба, г-дине Џафери, тогаш треба да се обратите до институцијата министерството за внатрешни работи- рече Јовановски.