Општините Карпош, Кисела Вода, Берово, и Крива Паланка имаат најлош наталитет и најголеми минуси во демографскиот природен прираст.
Државниот завод за статистика вчера излезе со податоците за наталитетот во третиот квартал 2014 година (јули, август, септември). Вкупните податоци на ниво на Република Македонија покажуваат дека постои зголемување на бројот на родени бебиња од 1 % во однос на третиот квартал минатата година.
Кога ќе се погледнат бројките по општините, може да се видат општините со најголем и најмал природен прираст.
Трите општини со најголем природен прираст се општините Чаир, Гостивар и Тетово.
Општина Родени Умрени Прираст
1. Чаир 323 127 + 196
2. Гостивар 302 118 + 184
3. Тетово 346 175 + 171
Истовремено, општините со најлош наталитет се следниве:
Општина Родени Умрени Прираст
1. Карпош 127 155 минус – 28
2. Кисела Вода 163 176 минус – 13
3. Берово 28 41 минус – 13
4. Крива Паланка 39 52 минус – 13
Карактеристично за општините со најмал наталитет во Скопје како Карпош и Кисела Вода е релативно високиот економски стандард во македонски рамки. Но, во општините Карпош и Кисела Вода има релативно голем број на разводи. Од скопските општини, најмалку разводи има во општините Арачиново, Студеничани и Сарај. Истовремено, токму овие општини како Арачиново, Студеничани и Сарај имаат најдобар наталитет во Скопскиот регион.