Фирмите во Македонија кои се водени од жени менаџери, од наредниот месец ќе имаат на располагање финансиски средства од околу три милиони евра преку програмата на Европската банка за обнова и развој за Западен Балкан.
Договорот со локалната комерцијална банка преку која ќе се пласираат средствата за поддршка на женското претприемништво треба да се потпише во март.
Со Програмата, која е во вредност од 20 милиони евра на ЕБОР, предвидена и техничка поддршка, стратегија за намалување на ризикот и советодавни услуги за компаниите.
Првиот договор е потпишан со банка во БиХ која доби два милиони евра. Наскоро треба да се потпише и во Косово, а потоа следува потпишување во Србија, Албанија и во Македонија. Целта е да се унапреди женското претприемништво преку поддршка на мали и средни претпријатија.