Македонија,Крими хроника

Едно лице заврши на Ургентен по групна тепачка во Тетово

Едно лице заврши на Ургентен по групна тепачка во Тетово

Групна тепачка се случила вчера околу 19 часот, на ул.„Илинденска“ во Тетово во и пред  угостителскиот објект „Биби“. Во тепачката учествувале вкупно четири лица, три од едната страна, и едно од другата страна.

Како што информира МВР, по претходна вербална расправија, најпрво Н.М. кој бил заедно со неговиот брат Е.М. и уште едно лице  станал од масата и со тупаница го удрил М.Д.(31) инаку нивен познаник, кој набрзо излегол од објектот, а потоа повторно се вратил во угостителскиот објект и ги повикал тројцата да излезат за да се пресметаат.

Тепачката продолжила надвор, при што М.Д. употребил ладно оружје (кујнски нож) со кое на двајцата браќа, Е.М. и Н.М. им нанесол повеќе расекотини и убодни рани во пределот на телото…

Повредените биле пренесени во тетовската клиничка болница,  од каде итно се префрлени во Ургентниот Центар во Скопје додека М.Д. е пренесен  и задржан за лекување во тетовската болница.

Јавен обвинител и екипа од СВР Тетово извршиле увид на местото на настанот а пронајден е и подигнат ножот и истиот е предаден за вештачење.

Се работи на целосно расчистување на случајот.