Европската комисија (ЕК) денеска ги осуди заканите по животот на новинарка на македонскиот интернет-портал „Курир” и нејзинио петгодишен син од страна на активист на опозициската СДСМ,пренесе МИА.
Повикувајќи се и на забелешките за слободата на медиумите во последниот прогрес-извештај, портпаролката на неформалната Влада на Европската унија, Маја Коцијанчич, порача дека „Брисел осудува заплашување и малтретирање на новинари, без оглед на тоа од кои кругови тие доаѓаат”.
– ЕK придава големо значење на почитувањето на слободата на изразување и слободата на медиумите. Како што е наведено во извештајот за напредокот, посебно во оној за вашата земја, Европската комисија осудува заплашување и малтретирање на новинари, без оглед на тоа од кои кругови тие доаѓаат. Ова е нешто на кое е посветивме во препораката за БЈР Македонија каде Еврокомисијата ги охрабрува сите, посебно Владата и медиумите да работат посилно за да се подобри медиумска култура во земјата, порача портпаролката Коцијанчич на денешната прес-конференција во зградата на ЕК во Брисел.
Како што е познато, извештајот за Македонија и делот за медиумите предизвика реакции од дел од новинарските асоцијации и кругови од Македонија, поради тоа што селективно беа издвоени само нападите и заканите за „новинари” од про-опозициски медиуми, но не и напади на опозициски активисти врз новинари поради нивни јавно искажани ставови.
