ЕК: Каталонскиот референдум не е во согласност со уставот, потребен е дијалог

Европската комисија по долгото молчење во понеделникот го повтори својот став дека референдумот за независност на Каталонија не е во согласност со шпанскиот устав и одби да каже кој е одговорен за насилствата, а повика на дијалог и најави разговор на нејзиниот претседател Жан-Клод Јункер со шпанскиот премиер Маријано Рахој.

„Референдумот според шпанскиот устав не е легален“, рече портпаролот на вропската комисија, Ммаргаритас Шинас во изјава за новинарите. Додаде дека каталонското прашање е „внатрешна работа на Шпанија“.

„Меѓутоа, надвор од правните аспекти, Комисијата смета дека е време за единство и стабилност“, изјави портпаролот на ЕК на прес-конференцијата.

„Веруваме дека премиерот Маријано Рахој владее со ситуацијата“, рече Шинас и најави дека подоцна во понеделникот претседателот на ЕК, Жан-Клод Јункер телефонски ќе разговара со шпанскиот премиер.

Европската комисија, исто така, оценува дека е време „од судири да се мине на дијалог“, како и дека „насилството не може да биде политички инструмент“, но одбива да каже кој е одговорен за насилствата од неделата во коишто според последните податоци од понеделникот ширум Каталонија се повредени повеќе од 900 луѓе.

Доколку преземете содржина од оваа страница, во целост сте се согласиле со нејзините Услови за користење.