Свет

ЕК предлага нови безбедносни мерки во ЕУ

ЕК предлага нови безбедносни мерки во ЕУ

Европска комисија денеска претстави дополнителни мерки за зголемување на безбедноста во Европска унија.

Една од мерките е дека полицијата во секоја земја-членка на ЕУ треба да споделува информации со колегите од другите членки, пред се информации за странските борци терористи. Информациите треба да се споделат и со агенциите на ЕУ преку Шенгенскиот информациски систем и Европскиот центар за борба против тероризмот при Европол, пренесува МИА.

ЕК предлага предност да има спречување на радикализацијата и на врбувањето на европските граѓани од страна на терористичките организации. Земјите-членки на ЕУ треба да се погрижат и за веќе радикализираните граѓани да бидат вклучени во програми за дерадикализација и да бидат спречени да дистрибуираат терористичка пропаганда и да шират омраза.

ЕК предлага и санкции за терористите и нивните поддржувачи.