Експлозија на бомба во ромска детска градинка во Загреб

Засега непознат сторител минатата ноќ фрлил рачна бомба во дворот во една куќа во Загреб, во која се наоѓаат седиштето на Здружението на Ромите во Хрватска и ромска детска градинка и забавиште.

Како што јавија хрватските медиуми, при експлозијата се оштетени фасадата, вратите и прозорците на куќата, како и четири автомобили кои биле паркирани во дворот.

При експлозијата нема жртви, а хрватската полиција врши увид на местото на настанот.

Според полицијата, инцидентот се случил околу 01:30 часот по полноќ.

Доколку преземете содржина од оваа страница, во целост сте се согласиле со нејзините Услови за користење.