Експлозија го потресе во петокот претпладнето центарот на италијанската престолнина Рим, но во неа нема настрадани, пренесува агенцијата ANSA.
На местото на настанот се ангажирани противпожарна екипа и полициска единица.
Според првичните сознанија, станува збор за детонација предизвикана од импровизирана експлозивна направа.
Експлозијата се случила во објект на пошта во централниот кварт Авентино. Целата зона и приодите кон местото се блокирани, а во моментов се проучуваат деталите од експлозијата.
Полициски извори не исклучуваат дека детонацијата може да е предизвикана од импровизирана бомба, но и од професионално направена експлозивна направа.
