Македонија,Економија

Емилија Зографска од ОНЕ, добитничка на PRO.PR AWARDS 2014 за Македонија

Емилија Зографска од ОНЕ, добитничка на PRO.PR  AWARDS 2014 за Македонија

Емилија Зографска, менаџер во одделот за односи со јавност во телекомуникацискиот опреатор ОНЕ е единствената добитничка од Македонија на PRO.PR Awards 2014. Наградата беше доделена во рамките на 12 тата PRO.PR конференција за односи со јавноста која од 26 – 29 март се одржа во Сараево.
Наградите се доделуваат на поединци од регионот кои на стручен, етичен и креативен начин постојано допринесуваат за развој во струката односи со јавност во регионите.

„Чест е да се биде носител на оваа награда особено што доаѓа од професионалци во фелата. Иако е лична сепак е колективна бидејќи единствено тимската работа во ОНЕ е гаранција за успех. Продолжувам со уште поголема одговорност и заложба за унапредување на професијата”, изјави Зографска на свеченото доделување на наградите во Сараево.

Добитници на PRO.PR 2014 се и: За Хрватска Ања Линиќ Сикавица (Агрокор), Оливера Меџугорац (Нестле Адриатик) и Сандро Баричевиќ (Кока Кола), За Словенија Мојца Бељан (Обична Копер) , Тамара Валенчич (Симобил),за Босна и Херцеговина Мирна Шоја (МВР Република Српска),Дуња Мијатовиќ (ОБСЕ), Едо Нумиќ (Виолета). Добитници за Србија се Жана Ранковиќ ( Сава осигурување) , Маја Шотра (Филип Морис).

Меѓу наградените се и Бетул Мардин (Република Турција), Кормак Лијам Смит (Велика Британија) , Џорџ Елис Руано (Белгија), Одри Бараников (Русија).
Овие награди се доделуваат од 2011, кога се оддржа 10-ти годишнината на оваа престижна конференција на која присуствуваа голем број експерти по комуникација од регионот.