Турскиот претседател Реџеп Таип Ердоган побара извинување од американскиот потпретседател Џо Бајден за тврдењето дека тој лично му признал дека Турција им дозволила на странски борци да влезат во Сирија, пренесоа американските медиуми, објави МИА.
Бајден во четвртокот во говор пред студентите на универзитетот Харвард, изјави дека Ердоган му кажал „Вие сте во право. Ние пуштивме премногу луѓе. Сега тие се обидуваат да ги затворат своите граници“.
Ердоган категорично демантираше дека некогаш го кажал тоа и изјави дека за него Бајден „ќе биде историја доколку навистина користел такви изрази“.
– Никогаш не сум му кажал дека сме направиле грешка, никогаш. Ако тој го кажал тоа во Харвард, тогаш треба да ми се извини – вели Ердоган.