Балкан

Прва по 1952 година Ердоган во историска посета на Грција

Ердоган во историска посета на Грција

Турскиот претседател Реџеп Тајип Ердоган денеска ќе допатува во дводневна посета на Грција. За време на оваа посета која е прва за еден турски претседател по 1952 година, Ердоган ќе се сретне со грчкиот претседател Прокопис Павлопулос и со премиерот Алексис Ципрас.

Главни теми на разговор се очекува да бидат мигрантската криза, регионалните односи, енергетиката, како и кипарскиот проблем. Во пресрет на пристигнувањето на Ердоган, во Грција се воведени засилени безбедносни мерки, а властите забранија и одржување на секакви собири во центарот на Атина.