Еве каде ќе врне денес

Цвет по пролетен дожд

Иако се очекува денес времето во Македонија да биде сончево и топло со мала до умерена локална облачност, сепак според прогнозите на некои места ќе врне.

Каде ќе врне денес?

Според информациите од УХМР, попладне во северозападните подрачја ќе има услови за слаб локален дожд. Ќе дува слаб југоисточен ветер.

Утринската температура ќе се движи од четири до 10, а дневната од 25 до 28 степени.

Листови од дрво по пролетен дожд
Каде ќе врне денес?

Во Скопје слично време, сончево со мала до умерена облачност и со слаб ветер од југоисточен правец. Утринската температура ќе се спушти до девет, а дневната ќе се искачи до 26 степени.

Од петок променливо облачно време и пад на температурите

До четврток ќе се задржи многу топло време за овој период од годината. Од петок до недела ќе преовладува променливо облачно и посвежо време со повремени локални врнежи од дожд, а ќе има и услови за појава на грмежи особено во сабота. Во петок ќе дува засилен јужен, а во недела западен ветер.

Доколку преземете содржина од оваа страница, во целост сте се согласиле со нејзините Услови за користење.