Фудбалерите на Вардар вечерва го играат историскиот прв натпревар од групата Л од Лига Европа на УЕФА. НетПрес екслузивно ги објавува формациите на составите на Вардар и Зенит со кои ќе го започнат мечот.
Тренерот на „црвено-црните“ Чедомир Јаневски се реши натпреварот да го почнат следниве 11 играчи: Филип Гачевски, Бобан Грнчаров, Џамбул Цигаури, Дејан Блажевски, Бобан Николов, Тигран Барсегјан, Дарко Велковски, Никола Глигоров, Ховханес Хамбарџумјан, Хуан Фелипе и Владица Брдаровски. На клупата ќе бидат: Игор Алексовски, Висар Муслиу, Вања Марковиќ, Филип Стојчевски, Бесир Демири, Дарко Глишиќ и Итало.
Тренерот на Зенит Роберто Манчини се реши со следниве 11 играчи да го почне дуелот: Андреј Лунев, Доменико Кристико, Дмитри Полоз, Матиас Краневитер, Александар Кококрин, Далер Кузаев, Кристиан Нобоа, Артем Џиба, Миха Мевља, Емануел Мамана и Бранислав Ивановиќ.
Судија на натпреварот е Јакоб Келет од Данска, а почетокот на натпреварот е во 21 часот и 5 минути.
На Арената „Филип Втори“ пристигнаа и најверните фанови на Вардар, Комитите.
