Најдобриот македонски маратонски пливач Евгениј Поп Ацев е најдобриот спортист на Град Скопје за 2013 година . Освен Поп Ацев награди за најдобри сениори ќе добијат и Стојанче Стоилов од РК Вардар, Дејан Манаска од РК Металург, Александар Стојковски, Бојан Влакевски, Томи Стефановски, Иво Цветковски, Слободан Ивчевски, Ѓорѓи Чековски и Јасин Реџелари.
Наградата за најдобар тренер ќе оди во рацете на Индира Кастратовиќ, а токму нејзината екипа ЖРК Вардар СЦБТ ќе ја добие наградата за најдобар клуб.
За најдобар млад спортист награди и признанија ќе добијат Виктор Крстевски, Матеј Ангеловски, Елмендин Сејфулаи, Бојан Јанкуловски и Марија Божиновска. Во категоријата за лица со посебни потреби награда ќе добие Димче Михајловски, а Владимир Аницинов ќе добие признание за спортист со посебни достигнувања.