Македонија

ЕВН продолжува со серија донации за социјално ранливите категории

ЕВН продолжува со серија донации за социјално ранливите категории

ЕВН Македонија реализираше серија донации за социјално ранливите категории на деца од повеќе градови во државата, а за социјално загрозените семејства донираше пакети со прехранбени производи во верските заедници.

Со донацијата на прехрамбени производи за топли оброци во народната кујна „Св. апостоили Петар и Павле“на МПЦ во населбата Ѓорче Петров, ЕВН Македонија ги заокружи празничните донации. Оваа донација ќе помогне и годинава волонтерите да подготват празнични јадења за верниците на МПЦ кои ја посетуваат народната кујна.

Протоереј Љубе Вељановски посочи дека народната кујна е дом и место за прехранување на верниците кои се во тешка социјална положба. Изразуваме голема благодарност до ЕВН Македонија, кои и оваа година не не’ заборавија. Оваа донација ќе помогне бездомниците и другите граѓани кои се во тешка социјална положба да го почуствуваат духот на празниците, рече протоереј Љубе Вељановски.

„Оваа донација за Народната кујна Св. апостоли Петар и Павле на МПЦ е симболична порака до нашите сограѓани од социјално ранливите категории дека за празниците не се сами, и не се заборавени. Добро е она што го имате да го споделите со оние што немаат, а новогодишните и божикните празници се време за споделување добрина и разбирање, рече портпаролот на ЕВН Македонија Атанас Ковачевски.

Donacija IVZ_2014

Вчера ЕВН Македонија и хуманитарната организација „Хилал“ која е во склоп на Исламската верска заедница донираа прехрамбени продукти за над 800 социјално ранливи семејства.

Novogodishni paketchinja

ЕВН Македонија и Црвениот Крст во изминатиов период ја реализираа и новогодишната хуманитарна акција „Да споделиме радост“. Децата од социјално загрозените категории, децата со пречки во развојот и инвалидитет, штитеници на домови за грижа на деца, згрижувачки центри за деца од улица и други ранливи категории од повеќе градови низ земјава имаа можност од 12 до 26 декември да уживаат во новогодишни претстави, фотографирања со Дедо Мраз и новогодишни пакетчиња со училишен прибор: ранци и слатко изненадување.