среда, 26 јули 2017  |  Вести денес: 28

Европа да не се дели на „ние христијаните“ и „тие муслиманите“

mogerini

Последни вести

Сериозна грешка ќе претставува доколку Европа се дели на „ние, христијаните и тие Арапите, муслиманите, терористите“, предупреди високиот претставник на Европската унија за надворешна политика и безбедност и заменик-претседател на Европската комисија, Федерика Могерини, бидејќи како што вели, тоа е спротивно на европските идеи за сожителство.

Могерини ова го изјави во денеска објавеното интервју за весникот „Република“.

– Доколку почнеме да ги исполнуваме концептите, ние Европејците и христијаните и тие Арапите, муслиманите, терористите, едноставно ќе ја потхрануваме реториката на оние, ки сакаат да покажат дека соживотот е невозможен. Една од основите европските вредности е можноста сите да живееме и работиме заедно, без разлика на националноста, вероисповеста и културата. Нашата сила е мошне разнолика, тоа е влог за мирот и благосостојбата, рече Могерини.

Таа призна дека проблемот со тероризмот во Европа не е само внатрешен.

– Секоја ситуација, во која се создава вакуум во власта е мошне поволна за терористите, Се надеваме дека таа трагедија (терористичките напади во Брисел) ќе даде поттик за решавање на сириската криза и дека поради неа нема да биде дозволен катастрофален развој на случувањата во Либија, нагласи таа.

Могерини нагласи дека справувањето со тероризмот може да се случи единствено преку заедничка европска стратегија.

Најчитани вести