Европскиот парламент ќе ги разгледува извештаите од изборите во Македонија

Денеска во Стразбур започнува редовното летна заседание на Парламентот на Советот на Европа во кое е предвидено избор на Генрален секретар, како и избор на судија во Европскиот суд за човекови права.

Парламентарното собрание во текот на заседание ќе ги разгледа извештаите на надгледувачките мисии за претседателските и парламентарните избори во Македонија, како и за предвремените претседателски избори во Украина, соопштено е од парламентот на Босна и Херцеговина.

Во дебатниот дел ќе се расправа и за прашањата за илегалните мигранти од државите од јужниот Медитеран, како и нивната интеграција во европското општество.

Предвидена е и расправа за кривичното законодавство прилагодено на малолетниците, за идентитетот и различностите во мултикултурните општства, како и предизвиците со кои се соочува европската администрација, како Развојната банка на Советот на Европа.

Дел од расправата ќе биде посветен на соочувањето со предизвиците на Европската Унија, како и допринесувањето на парламентот во конфликтот во западна Сахара.

На дневен ред е ставена и расправата за насилството во медиумите, како и низ медиумите.

Во среда на 25 јуни во Стразбур ќе се одржи и свечена церемонија со која ќе се одбележат 100 години од почетокот на Првата светска војна.

Доколку преземете содржина од оваа страница, во целост сте се согласиле со нејзините Услови за користење.