Свет

Европскиот Парламент ќе гласа за избор на новата Европска комисија

Европскиот Парламент ќе гласа за избор на новата Европска комисија

Европскиот парламент денеска во Стразбур треба да се изјасни за избор на новата Европска комисија на Луксембуржанецот Жан-Клод Јункер.

Денешното гласање следи откако вчера беа одобрени последните промени во предложениот состав на Еврокомисијата со прифаќањето на предлогот Словенката Виолета Булц да го преземе ресорот транспорт, а Словакот Марош Шефович да биде еврокомесар за енергетика и потпретседател на Комисијата.

Гласањето се очекува да биде чиста формалност, бидејќи новата Комисија е поддржана од широка коалција составена од Европската народна партија, групата на Социјалистите и демократите и од либералите.