Федерер: Имам јасен план до декември 2016 година

Напротив, Федерер тврди дека веќе го има планот за настапи во 2016 година, па дури потоа можеби ќе размислува на таа тема.

Дека годините ништо не му можат, најдобар доказ е фактот дека во моментов се наоѓа на второто место на АТП листата, оваа сезона освои шест титули, а во неделата на турнирот во Базел во финалето го совлада долгогодишниот ривал Рафаел Надал.

Имам многу јасен план до декември 2016 година и во моментов со мојата сопруга размислуваме каде ќе го прославиме тој Божиќ. Потоа, 2017 година е крстосница за мене и можеби тогаш ќе почнам да ја планирам пензијата, изјави Федерер.

Ако се земе предвид целата сезона, тој има ефект од 58 победи и само девет порази, а покрај шестте трофеи, се пласираше и во две финалиња на Гренд слем турнирите. Само Ѓоковиќ има подобар биланс од него и токму Србинот во два наврати го спречи да дојде до 18-та Гренд слем титула во кариерата.

На крајот од оваа сезона, односно за две недели, Федерер по 14-ти рекорден пат ќе учествува на завршниот турнир, кој повторно се одржува во Лондон.

Доколку преземете содржина од оваа страница, во целост сте се согласиле со нејзините Услови за користење.