Билетите за пријателскиот фудбалски натпрвар меѓу репрезентациите на Македонија и на Австралија, кој на 30. март ќе се одигра на арената “Филип Втори” ќе се движат со цена од 50 до 250 денари. На Источната трибина основците, децата без родители и децата од социјално ранливи категории, како и фудбалери од пионерска, кадетска и од младинска конкуренција, ќе можат да го следат овој натпревар бесплатно, извести ФФМ на својот официјален сајт.
– Управниот одбор на ФФМ ги утврди цените на билетите за натпреварот меѓу А репрезентациите на Македонија и Австралија на 30. март на Националната арена “Филип Втори” во Скопје.
Фудбалската федерација на Македонија овозможува бесплатен влез на Источната трибина (блок 6, 7, 8, 9, 10, 11 и 12) за ученици од прво до деветто одделение, за деца без родители и од социјално ранливи категории и за сите фудбалери од пионерска, кадетска и младинска конкуренција за натпреварот Македонија – Австралија.
Цените на влезници за Северна трибина: Блок 13, 14, 18 и 19 – 100.оо денари; Блок 15, 17, 20 и 24 – 200.оо денари; Блок 21 и 23 – 250,оо денари;
Цените на влезници за Јужната трибина: Блок 1, 2, 5 и 6 – 100.оо денари; Блок 3 и 4 – 150.оо денари; Централен дел (поранешен ВИП) – 250.оо денари
Цените на влезници за Западна трибина: Блок 25, 26, 27, 28, 29 и 30 – цена од 50 денари.
-Управниот одбор на ФФМ донесе одлука со која го усвои извештајот на финансиската комисија за завршната сметка за 2014 година и извештајот на независниот резизор, како и извештајот за работата на Управниот одбор на ФФМ и Претседателот на ФФМ со цел истите да се проследат и дадат на усвојување на претстојното редовно Годишно Собрание на Фудбалската федерација на Македонија.
-Управниот одбор на ФФМ донесе предлог за измени и дополнувања на дисциплинскиот правилник во одредбите кои третираат антидопинг, објави ФФМ.
