Ортега (79) е најбогатиот човек од Европа кој ја основал компанијата Индитекс, чиј бренд е Зара, најголемиот произведувач на облека во светот. Иако ретко може да се види во јавност често е во кафетеријата во седиштето на Индитекс во Артексио, мал град во северна Шпанија во близина на градот Ла Коруња.
Ортега и неговиот бизнис партнер Розалиа Мера, ја отвориле нивната прва продавница во Ла Коруња во 1975-тата. Тие сакале да ја наречат продавницата Зорба, по нивниот омилен филм „Гркот Зорба“ но морале да го променат затоа што еден бар во близина го носел истото име – па така брендот Зара го добил своето име.
Зара и Индитекс кои што не се рекламираат се познати по „брзата мода“. Во в ремето кога другите компании испраќале роба за изработка во источна Азија, Индитекс се фокусирал на изработка на колку е можно повеќе облека во Европа, така што ги полнеле сопствените продавници со најновата мода побрзо од нивните конкуренти. Секое парче облека што Зара го произведува и понатаму поминува низ Шпанија.
Најмногу милијардери во САД
Во Европа има вкупно 489 милијардери, а нивното богатство се зголемило од 1, 19 милијарди долари на 1. 89 милијарди годинава. САД и понатаму се дом на најголем број од милијардерите. Има вкупни 540 американски државјани на листата на „Форбс“, а минатата година нивниот борј изнесуваше 536.
Бројот на милијардери во Азија исто така се зголемил, но на Средниот Исток, Африка и во Јужна Америка се намалил поради намалената вредност на нафтата и други стоки со кои што тргуваат.
По САД најмногу милијардери има Кина, вкупно 251 што е зголемување во однос на 2015-тата кога во Кина имаше 213 милијардери. Германија е на трето место со 120 милијардери и Индија е на 4-тото место со 84.
Во Велика Британија има 50 милијардери, за разлика од лани кога беа вкупно 53. На листата има 7 новостекнати, мешу кои и театраскиот продуцент Камерон Мекинтош и Џон Блур, основачот на Триумф Мотоцикли.
