Магазин

ФОТО: Близнаци се гледаат по 69 години

ФОТО: Близнаци се гледаат по 69 години

Оваа трогателна фотографија од близнаци од Полска кои се гледаат прв пат по 69 години нема да ве остави рамнодушни.

Браќата близнаци, Георг Скжињецки и Луцијан Познањски целиот живот го минаале раздвоени, откако по завршувањето на Втората светска војна биле посвоени од две различни семејства.

Шеесет и деветгодишните Георг и Луцијан се родени во Германија, откако нивната мајка по потекло од Полска била ослободена од нацистички концентрационен логор. Набрзо по породувањето таа се разболела и починала, па момчињата биле однесени во Полска и дадени на посвојување.

Со години не знаеле еден за друг се додека Георг не решил да ги испита своите корени и да провери дали има живи членови на неговото биолошко семејство.

Тој дознал дека има брат, но било потребно половина век да го најде со помош на Програмата на Црвениот крст за поврзување на разделени семејства.

– Не знам кога тоа се случи, но секогаш знаев дека еден ден ќе го најдам мојот брат, изјави Георг по трогателната средба со неговиот брат.