Ако имате полудолга коса, ова е фризура и за вас, единствено што ви треба е да бидете малку креативни во правењето на плетенката и совладувањето на долгите прамени. Поголемиот дел од дамите што имаат боб фризура практикуваат да ја носат пуштена и исфенирана, но еве една идеја како да ја стилизирате вашата коса.
Вашата коса немора да биде свиленкаста и во совршена состојба за фризура, а дури ќе ви помогне и ако употребите малку гел или крем за коса.
Првиот чекор е правење плетенка околу врвот на главата во полукруг. Тргнете од една страна и можеби е најдобро од онаа страна каде што имате помалку коса, односно поблиску до патецот. А ваше е да одлучите кој тип на плетенка ќе го правите.
Ја плетете плетенката кон другиот дел од главата.
Кога ќе ја сплетете плетенката до крај заврзете ја. Потоа вовлечете ја во делот од косата од каде што сте почнале да плетете.
Со прстите малку развлечете ја плетенката за да ја зголемите и да и дадете волумен.
За следниот чекор ви е потребна крема за коса или гел за долниот дел од косата, која останала под плетенката. Ставете на прстите и втријте го во косата.
Направете го тоа добро, за да ја зацврстите косата и прамените подобро да се спојуваат, да се виткаат и да стојат онака како што сте ги наместиле.
Одвоете ги и свиткајте ги преостанатите прамени, а потоа прицврстете ги со шноли за коса. Слабите и стари шноли нема да бидат идеални за оваа фризура.
Кога ќе завршите со прицврстување на преостанатите прамени, додадете уште неколку шноли за порадикален изглед. Ако имате руса коса ставете црни шноли и обратно ако имате потемна коса искористете бели шноли.
