Поради снежното невреме што го зафати источниот брег на САД, драстични мерки беа преземени во голем број држави, а во Њујорк и Бостон беа затворени метроата и патиштата, поради што градовите наликуваа на градови со духови, пишува Дејли меил.
На една петтина од населението во САД му беше препорачано да се засолне од невремето, а голем број жители на Њујорк, Роуд Ајленд, Конектикат, Њуџерси и Масачусец беа приморани да се држат настрана од улиците.
Возачите беа предупредени дека ќе се соочат со казна од 500 долари доколку ги игнорираат ограничувањата, со цел патиштата да се држат отворени за противпожарните служби, полицијата и брзата помош.
Дури и продавниците кои што работат по 24 часа беа приморани да затворат, а театарските и спортските настани беа одложени за да се осигура дека сите навреме ќе се засолнат дома.
Според метеоролозите сеуште точно неможе да се предвиди интензитетот на снежното невреме. Рекордни врнежи од снег се очекуваат во раните утрински часови во вторник, а се очекува и дека врнежите ќе достигнат историски пропорции.
фото: dailymail.co.uk