Словенецот Марко Корошец, кој истакнал дека ужива со својот фотоапарат да овековечува интересни природни феномени, неодамна ја посетил словенската планина Јаворник.
По десетдневните обилни снежни врнежи и силниот ветар, Корошец наишол на магична глетка – се било покриено со бела снежна прекривка, а мразулците некаде достигнувале и висина од еден метар.
Снежната покривка веќе е присутна на речиси сите планини од регионот, меѓутоа во Словенија, снегот креирал неверојатен пејзаж.
“Сакам екстремни временски услови и сум видел најразлични пејзажи, меѓутоа ова е многу повеќе од она што можев да го замислам”, изјавил Корошец.
