Меѓу 300 и 500 лица попладнево излегоа да демонстрираат против одлуката која денеска ја донесе претседателот Ѓорѓе Иванов – аболиција на сите оние против кои се водат постапки кои произлегуваат од нелегалното прислушување.
Јајца, искршени прозори, демолирана канцеларијата на шефот на државата Ѓорге Иванов на Рекорд.
Групата демонстранти, меѓу кои можеше да се забележат и хулигани со јајца ја нападнаа и демолираа народната канцеларија на претседателот Иванов која беше под силно полициско обезбедување.
Дел од медиумите веќе објавија дека за вечерва се најавува голем масовен протест од незадоволни граѓани кои изреволтирани од одлуката за помилување на Зоран Заев и Зоран Верушевски.
Од ВМРО-ДПМНЕ се децидни дека тие што ја предизвикаа политичката криза преку интриги, подземни сценарија, деструктивно однесување кое е спротивно на интересите на народот и државата треба и мора да одговараат.
-Ставот на ВМРО ДПМНЕ кон сето ова што се случува во државата е јасен, не може да не одговараат луѓето кои повеќе од година и пол ја држеа Македонија во заложништво, ги кршеа законите, ги уриваа институциите на државата и го закрвуваа народот. ВМРО ДПМНЕ со фрапираност и неверување ја проследи прес конференцијата на Претседателот Ѓорге Иванов, изјавија од владејачката партија.