Во силниот земјотрес што синоќа го погоди јужниот дел на Тајван, загинаа најмалку 11, меѓу кои едно бебе и едно дете, соопштија локалните власти, пренесе МИА.
Се уште се трага по 30-тина лица, за кои се претпоставува дека се наоѓаат под урнатините. Околу 800 војници, заедно со припадниците на спасувачките екипи и кучиња трагаат по преживеаните.
Земјотресот предизвика уривање на најмалкуи четири згради, од кои една од 17 катови. Околу 230 луѓе се спасени од под урнатините, додека 380 лица се повредени во земјотресот.
Силниот земјотрес беше со интензитет од 6,4 степени според Рихтеровата скала. Епицентарот на земјотресот е регистриран на 25 километри јужно од градот Јуджинг.