Македонија

ФОТО: Невреме во Италија, Венеција под вода

ФОТО: Невреме во Италија, Венеција под вода

Невремето проследено со обилни врнежи што викнедов ја зафати Италија, предизвика поплави во повеќе делови на земјата, во кои загинаа три лица.

Жртвите, седумгодишно девојче и две нејзини возрасни роднини, ги загубиле животите на Сицилија, кога надојдената вода го однела возилото со кое патувале. Во возилото при инцидентот се наоѓале и мајката на девојчето и уште три лица, кои успеале да се извлечат од автомобилот.

Како што пренесуваат медиумите една третина од Венеција веќе е под вода, но и поплавата не ги спречува туристите да уживаат во убавините на овој град.

Обилните снежни врнежи во реонот на италијанските Алпи пак предизвикаа прекини на телефонските врски и во електродистрибутивната мрежа, поради што беа откажани поаѓања на повеќе возови.

venecija-voda-20144

Метеоролозите најавуваат дека невремето во Италија ќе трае до вторник.