Балкан

ФОТО: Оваа куќа ја крие најголемата тајна од поранешна Југославија

ФОТО: Оваа куќа ја крие најголемата тајна од поранешна Југославија

Во близина до споменикот Петрова гора, во Карловачката жупанија се наоѓа една напуштена куќа во шума, која навидум изгледа сосем обично, но крие една огромна тајна.

Оваа топ тајна радио станица е дизајнирана за да издржи атомски удар. Овој фасцинантен објект бил една од најчуваните тајни на поранешната ЈНА.

Интересен дел од куќата е лифтот, кој оди во подземјето, 50 метри.

Тука, всушност, се криело засолништето кое би се употребило при атомски напад, а кое било опремено во него да се живее 3 месеци без излегување надвор. Како што појаснил Златко Чишпер, пензиониран бригадир, се протега на 2.000 метри квадратни, со цела низа простории – спални соби, електрична централа, кујна, остава, простории за престој како и простор за деконтаминација.

Сите простории се меѓусебно оддалечени со прегради и со врати со ударни вентили за случај на атомска експлозија. Во излезниот дел се наоѓа бетонска врата од 40 тони, конструирана да разбие па дури и да запре бран од нуклеарен удар.