Покриена е дупката која се закануваше да го сруши училиштето во селото Страчинци.
Претседателот на ВМРО-ДПМНЕ, Никола Груевски денеска е во посета на селото Страчинци, каде забележливо е значително подобрување на состојбата од посетата во понеделникот.
-Тоа што го ветивте се исполни. Мислевме за 30 дена нема да влеземе во куќите, се’ се расчисти за 3 дена, изјави Аднан Ајрула, претседател на месната заедница во село Страчинци.
Министерот Мисајловски информираше дека досега 1.200 проценки се извршени од над 40 тимови кои работат на терен, а активно ангажирани се и 300 градежни машини. На располагање се и 1.200 водни пумпи.
