вторник, 29 ноември 2016  |  Вести денес: 45

ФОТО: Промовирани новите 654 полициски службеници

Свечено беа промовирани новите 654 полициски службеници, од кои 143 се жени.

policajci-promocija1-640x426

Поврзани вести

Во Центарот за обука во Идризово денеска по едногодишна успешна обука свечено беа промовирани новите 654 полициски службеници, од кои 143 се жени.

Честитајќи им на новите полициски службеници, министерот за внатрешни работи Оливер Спасовски им порача да бидат бескомпромисни чувари на редот и законите, но и на професиналната чест и достоинството лично и на институцијата која ја претставуваат. Во ова време, нагласи тој, македонската полиција е исправена според сложеноста можеби пред најголемата задача – конституирање институција која во секој поглед ќе биде не само кредибилен чувар на редот и законитоста, туку и гарант за безбедноста и мирот на секој наш граѓанин.

policajci-promocija-640x426

 

Во обраќањето директорот на Бирото за јавна безбедност, Митко Чавков истакна дека се очекува од новите полициски службеници максимална посветеност, чесност, хуманост и одговорност при остварувањето на задачите. Им порача дека од нив ќе зависи борбата со сите предизвици и сите видови криминал со кои се соочуваат граѓаните на Република Македонија, подобрувањето на безбедноста во сообраќајот, но и обезбедувањето на државните граници.

policajci-promocija3-640x426

 

„Вечната тензија помеѓу обезбедувањето безбедност на заедницата и човековите права од друга страна ја наметнаа потребата да излеземе од традиционалнот полициско работење и да воспоставиме методологии и ефективно полициско работење во партнерство и согласност со граѓаните на РМ“, рече директорот на БЈБ.

Истакна дека секоја полициска активност независно од сериозноста и тежината на безбедносните закани мора да биде во рамки на основните принципи на демократската држава преку владеење на правото и во согласност со врвната цел-гарантирање и почитување на човековите права и слободи.

policajci-promocija6-640x397

Чавков додаде дека во едно од последните истражувања на јавното мислење за полицијата од страна на реномирани невладини оргнизации се покажува оти полицијата е институција која ужива најголема доверба во Република Македонија.

Успешна и професионална работа на новите полициски службеници им посака и дополнителниот заменик-министер за внатрешни работи Оливер Андонов и ги повика на целосно извршување на законите,како и почитување на уставот на основните човечки и граѓански права.

Најчитани вести