недела, 25 јуни 2017  |  Вести денес: 40

Фото вест: Кој се вози во „Мерцедесот“ од 600.000 евра?!

19206209_10212322661288897_112856625_n

Поврзани вести

Откако мината седмица социјалдемократскиот министер за внатрешни работи Оливер Спасовски во чисто дневнополитички пропагандни цели пред камерите го покажуваше специјалниот модел „Мерцедес “, во обидот да се забошоти изостанувањето на ветените реформи, актуелната власт очигледно не издржа и „расипничкиот“ автомобил во саботата попладнето беше забележан на скопските улици.

Се поставува прашањето кој денеска се возеше во луксузниот автомобил? Кој, нели, беше еден од жестоко критикуваните потези на претходната власт обвинувана за наводно расипништво.

Бидејќи службениот „Мерцедес“ С-класа со регистарски ознаки СК 2936 АЦ (задолжен во МВР на РМ), Одделот за заштита на определени личности и објекти го има користено како главно возило за високи гости – странски делегации при нивната посета на Република Македонија, а кои се обезбедуваат со прв и втор степен на безбедносни мерки на обезбедување, како претседатели на држави, премиери на влади, заменици претседатели, заменици претседатели на влади, министри, и др.

А колку што е познато, во моментов во Македонија не престојува никаква личност којашто според погоре опишаниот ранг би го користела автомобилот.

Најчитани вести