Хрватска беше зафатена со големо невреме, проследено со обилен дожд и грмотевици, пишуваат хрватските медиуми.
Невремето синоќа најмногу ја погоди Истра, а во Умаг паѓаше и град, а силното невреме предизвикало хаос и на улиците на Сплит и Трогир.
Имено, тоа подрачје е под висок степен на предупредување: Трогир е под вода, додека во Сплит е парализиран сообраќајот.
Невремето денес не го заобиколи ниту Дубровник. Поради големите количини врнежи улиците низ градот се поплавени.
