Свет

Франција: Осумгодишно дете приведено за поттикнување тероризам

Франција: Осумгодишно дете приведено за поттикнување тероризам

Осумгодишниот Ахмед од Франција е сослушан во полициска станица во Ница поради поттикнување тероризам, пренесуваат француските медиуми. Детето е обвинето дека застанало во одбрана на терористите по нападот на седиштето на Шарли ебдо во Париз, велејќи во училиште дека тој не е Шарли, туку дека е со терористите.

Директорот на училиштето поднел жалба против таткото на Ахмед кој потоа присуствувал на двочасовното сослушување на синот. Ученикот негирал дека кажал такво нешто, додека на прашањето што е тероризам не знаел да одговори точно.

За сега не се знае во кој правец ќе води истрагата, наведуваат француските медиуми и додаваат дека Ахмед и претходно бил познат по слични испади.

По терористичкиот напад на Шарли ебдо и ден подоцна наеврејската продавница во близина на Париз, властите презедоа строги правосудни мерки против поттикнувачите на тероризам.

Една недела по нападите се покренати повеќе од 50 судски процедури, изречени се неколку пресуди меѓу кои и казна затвор од четири години на 34 годишен Француз кој прво бил фатен дека вози пијан,  а потоа ги фалел нападите во Париз и им рекол дека требало и нив да ги убијат.