Балкан

Фрлена експлозивна направа во зградата на парламентот на Косово

Фрлена експлозивна направа во зградата на парламентот на Косово

Непознати напаѓачи фрлија експлозивна направа во зградата на косовскиот парламент.

Како што соопшти локалната полиција, експлозивот бил фрлен од растојание и при нападот нема настрадани лица.

Косовските медиуми јавија дека две лица на мотор истрелале граната во зградата. Дневниот весник „Експрес“ тврди дека на парламентот е испукана „зоља“, пренесува МИА.

Косовската полиција го затвори реонот околу зградата на парламентот.

Зградата на косовскиот парламент се наоѓа во прометна улица во Приштина.

Експлозијата се случува пред денешната седница на косовскиот Парламент, на која е најавена расправа за законот за демаркација на границата со Црна Гора, на што остро се спротивставува опозицијата, а посебно „гласно“ во тоа е движењето „Самоопределување“.