ФРОНТЕКС: Од април намален е мигрантскиот бран кон Европа

По потпишувањето на договорот меѓу ЕУ и Турција за запирање на бегалскиот бран преку Егејско Море од април регистрирано е намалување на бројот на илегални мигранти кои влегле во Европа, соопшти денеска Европската гранична служба ФРОНТЕКС.

– За првите шест месеци од 2016 годин а имало 360.000 илегални влегување во ЕУ, што е повеќе во однос на 2015 година, но од април забележено е намалување на мигрантскиот бран, изјави директорот на ФРОНТЕКС, Фабрис Леџери за француското радио „Европа 1“.

Тој додаде дека сега Италија, наместо Грција, е основната влезна точка и поголемиот број мигранти тргнуваат кон Европа од Либија.

Леџери додаде дека во Италија секојдневно пристигнуваат околу 750 додека во Грција околу 50 луѓе.

Доколку преземете содржина од оваа страница, во целост сте се согласиле со нејзините Услови за користење.