Македонската компанија за анимација и визуелни ефекти ФХ3Х учествуваше во визуелните ефекти на комедијата Зулендер 2, која од четврток ќе се прикажува во Скопје.
Миливоје Ѓорѓевиќ, ко-сопственик и извршен продуцент во ФХ3Х, за работата на овој проект вели дека Зооландер 2 е една од култните пародија комедии, кои на интересен начин ни свртуваат внимание врз некои општествени појави.
– Кога се работи за таков филм, секако дека е огромно задоволство да сме дел од него, и овојпат во соработка со нашите долгогодишни клиенти МПЦ Техниколор од Лондон. На проектот работеа 50 артисти во септември 2015 година. Хуморот во филмот ги следи најактуелните теми во шоу бизнисот. Оттаму убиството на Џастин Бибер и андрогениот Бенедикт Камбербеч се некои од атрактивните моменти, вели меѓу другото Ѓорѓевиќ.
По 14 години од првиот дел фановите на Зулендер ќе видат богата плејада на актери. Покрај Бен Стилер и Овен Вилсон, во филмот се појавуваат и Пенелопе Круз, Ашер, Џастин Бибер, Мајли Сајрус и Деми Ловато. Вил Ферел, пак, се враќа во улогата на негативецот Мугату.