четврток, 30 март 2017  |  Вести денес: 0

Г-20: Товарот од бегалската криза мора да се подели

Државите членки на Г-20 опфаќаат 85 отсто од светската економија, а претставуваат две третини од светската популација. Тие практично го повторија повикот од минатогодишниот самит одржан во Турција.

g20

Последни вести

Бегалците претставуваат глобален проблем, и тој товар мора да се подели и распореди, се согласија лидерите на Групата 20 економски најразвиени земји во светот, на самитот кој се одржа во кинескиот град Хангжу.

„Масовното принудно раселување низ светот, без преседан, уште од Втората светска војна, особено она коешто е предизвикано од насилни конфликти, е предмет на глобална загриженост. Потребни се конкретни напори за решавањето на бегалската криза. Неопходно е товарот кој таа со себе го носи, соодветно да се подели, на секоја држава согласно своите можности“, стои во заедничкото соопштение објавено на крајот на дводневниот самит на Г-20, кој заврши вчера.

Државите членки на Г-20 опфаќаат 85 отсто од светската економија, а претставуваат две третини од светската популација. Тие практично го повторија повикот од минатогодишниот самит одржан во Турција.

Во соопштението се повикува и на дополнителни напори за изнаоѓање трајно  решение.

Најчитани вести