Германската канцеларка Ангела Меркел може да се соочи со остар отпор од членовите на нејзината партија, поради политиката на отворени врати за бегалците, откако мнозинство од пратениците од Христијанско демократската унија (ЦДУ) презедоа парламентарна иницијатива за поставување на заштита налик на Берлински ѕид на границата на Германија, пренесува МИА.
Деталите за т.н. таен план на демохристијаните за стопирање на приливот на бегалци од по десет илјади мигранти кои секој ден влегуваат во Германија беа објавени во германскиот весник „Билд“, според кој иницијативата била поддржана од 188 од вкупно 310-те пратеници на партијата на Меркел во Парламентот.
Предлозите вклучуваат изградба на огради од бодликава жица долж источната граница на Германија. Досега Меркел ги офрлаше сите барања за нови огради по границата.
– Треба да го спречиме приливот од бегалци. Не треба да има забрани за преоценување на нашите погранични објекти, изјави за „Билд“ пратеникот Кристијан фон Штетен, автор на предлогот.
Тој додаде дека предлогот на дневен рен на гласање ќе биде ставен за две недели.
Штетен изрази увереност дека Владата на Меркел ќе изработи ефикасен план за стопирање на бегалскиот бран во Германија, но предупреди дека доколку овие очекувања на бидат исполнети следните недели, неговата парламентарна група ќе биде принудена да реагира.
